ចែចង់ ft. Va Sovy & That Samnang Lyrics

យីះ! ប្រុសនេះមកពីណាអ៊ីចេះ ម្តេចក៏ហ៊ានម៉្លេះ?

ចូលមកទីសួនរបស់ផងគេ អញ្ជើញចេញទៅ

ប្រយ័ត្នក្រុងមារជាបិតា ខ្ញុំមកទាន់ណា៎!

មាសអឺយ! អេ! មាសឆ្អិន ក្លិនក្រអូប

គន់មើលទៅរូបអឺយ! ល្អលើសស្រី

មាសអឺយ! អេ! មាសឆ្អិន ក្លិនក្រអូប

គន់មើលទៅរូបអឺយ! ល្អលើសស្រី

បងសូមផ្តេកផ្តិតអឺយ! ស្និទ្ធមេត្រី

នែ៎! ប្រយ័ត្នក្ស័យ តិចមិនប្រាប់អឺយ!

ទេ!ៗ ចេញទៅ ណាអ្នកប្រុស

ប្រយ័ត្នមានទោសអឺ! ប្រុសចំណាប់អឺយ!

ទេ!ៗ ចេញទៅ ណាអ្នកប្រុស

ប្រយ័ត្នមានទោសអឺ! ប្រុសចំណាប់អឺយ!

ជ្រាបដល់បិតាអឺ! នឹងមកចាប់អឺ!

យកទៅសម្លាប់អឺ! បងសង្ខារ

ថ្លៃថ្លើមឆ្នើមចិត្តអឺយ! អាណិតផង

នែ៎! អ្នកប្រុសបងអឺ! ឈប់វាចា

ថ្លៃថ្លើមឆ្នើមចិត្តអឺយ! អាណិតផង

នែ៎! អ្នកប្រុសបងអឺ! ឈប់វាចា

រូបអូនជាកូនអឺ! ក្រុងអសុរា

បងជាមនុស្សា សិស្សឥសី

បងរៀនចេះចប់អឺយ! វិជ្ជាការ

ប្រុងវិលសីមា ដើរកាត់ព្រៃ

បងរៀនចេះចប់អឺយ! វិជ្ជាការ

ប្រុងវិលសីមា ដើរកាត់ព្រៃ

ដល់មកយល់ភ័ក្ត្រ វរល័ក្សណ៍ស្រី

ស៊ូសុខចិត្តក្ស័យ នឹងថ្លៃហើយ

ឱ្យតែប្រាកដអឺ! ដូចវាចា

មែនណាកនិដ្ឋា មិនក្បត់ស្រីឡើយ

ឱ្យតែប្រាកដអឺ! ដូចវាចា

មែនណាកនិដ្ឋា មិនក្បត់ស្រីឡើយ

តែខ្លាចបិតា ណារៀមអឺយ!

កុំភ័យត្រាណត្រើយ សុំទោសទៅ

ឰយ៉ា!... យឹះ!... ឰយ៉ា!... យឹះ!

យី! ក្រុងមារបិតាអូន មកដល់ហើយបង

កុំភ័យអីអូន យើងនាំគ្នាសូមទោសលោកទៅ

អូ! មិនបានទេបង បីតាអូនកាចណាស់

ឰយ៉ា!... យឹះ!... យឹះ!

ឈប់សិន យក្សច្រៀងឱ្យស្តាប់

យីះ! អាចោរគេកាប់ លួចកូនក្រមំអញអ្ហា!

នែ៎! អាចោរកំណាច កាចគ្មានគេកោតយឹះ!

អញកាត់ក្បាលដោត តាំងសីមា

ឯងចិត្តធំម៉្លេះ យឹះ! អាមនុស្សា

ហ៊ានមកស្នេហា កូនក្រមំអញយឹះ!

មេត្តាប្រណី... ណាបិតា

យីះ! បិតា ហឹះ!ៗ

យឹះ! មិនបានឡើយណា កូនគួរឱ្យខ្នាញ់

បើឯងចង់បាន កូនក្រមំអញ

បើអញច្បាំងចាញ់ យកចុះណា៎!

ត្រូវតែសម្លាប់ សម្លាប់ គ្មានអាណិត

កាប់ឱ្យដឹងចិត្ត ក្រុងអសុរា

កូនសូមអត់ទោស... ទៅណាបិតា

ឰយ៉ា! អាមនុស្សា លួចកូនក្រមុំអញ

យឹះ!... ឰយ៉ា!... យឹះ!... ឰយ៉ា!

មិនបានទេៗៗ