Muschterching Lyrics

I bin e Glünggi, e riise Glünggi

Ir Chuchi hani Überschwemmig gspilt

Und jetz spili Sturm ir Stube

I bi dr gröschti Glünggi vor ganze Wält

I bin e Stogli, e riise Stogli

I cha nid loufe i purzle nume

Uf d Nase i stoh mir uf e Schnouz

I bi dr gröschti Stogli vor ganze Wält

I bin es Muschterching

Genau so het me mi bstellt

I bin es Muschterching

Genau so mues i si

I bin e Ranggi, e riise Ranggi

Es Ranggifüdle i chan nid still

Sitze und i zable no der zue

I bi dr gröschti Ranggi vor ganze Wält

I bin e Gwaggli, e riise Gwaggli

I ha zwe linggi Händ und dert

Dra hets nume luter Düme

I bi dr gröschti Gwaggli vor ganze Wält

I bin e Tröimer, e riise Tröimer

Wenn i sött lose, verschwindet mi Chopf

Flügt dervo i roserote Wulche

I bi dr gröschti Tröimer vor ganze Wält

I bin es Muschterching

Genau so het me mi bstellt

I bin es Muschterching

Genau so mues i si

Du bisch es Muschterching

Genau so het me di bstellt

Du bisch es Muschterching

Genau so muesch du si